Ismi Alfatuzzahra: Mei 2017

PAWARTOS BASA JAWI

04.16 | Posted by Unknown

PAWARTOS

A. Pengerten
Pawarta yaiku cathetan kadadeyan utawa prastawa kang diwedharake ing sajroning tulisan ing media cetak, utawa laporan ing media elektronik.

B. Jinising pawarta

ü Pawarta dadakan
yaiku pawarta kang wektu lan panggonan kadadeyane ora kena dipesthekake. Tuladha: kacilakan montor mabur, banjir, kebakaran, lan liya-liyane.

ü Pawarta Ndinan
yaiku pawarta kang wektu lan panggonan kadadeyane wis dimangerteni sadurunge. Tuladha: pembukaan sekolah anyar, kunjungan presiden ing Batang, lan liya-liyane.

ü Pawarta crita
yaiku pawarta kang ora dibatesi dening wektu lan panggonan, nggambarake objek kang nengsemake/human interest. Pawarta iki diwedharake mung kanggo hiburan utawa selingan. Tuladha: crita objek wisata, crita bab kesenengan/hobby, lan liya-liyane.

C. Kang kudu digatekake nalika menehi tanggapan pawarta

Ø Tanggapan dijlentrehake kanthi panjlentreh kang cekak, padet, lan uga digunggun kanthi sistematis.

Ø Pasulayan kang bakal ditanggapi kudu cetha.

Ø Tembung sing digunakake kudu gampang dimangerteni dening liyane.

Ø Tanggapan kudu kinantenan alasan logis, diwenehi fakta lan bukti-bukti sing relevan

D. Bobot timbang surasane pawarta

· Jeneng, pawarta kang digiyarake nyebut jenenge wong kang penting utawa kawentar, tuladhane tokoh politik, artis, lan tokoh agama.

· Anyar, pawarta kang prastawane sing lagi wae dumadi, isih dadi undering rerasan ana ing masarakat.

· Penting, pawarta sing digiyarake ngenani kahanan kang langka kedadeyan, kedadeyan gedhe, ana sambung rapete karo bebrayan akeh.

· Caket, kedadeyan kang digunakake dadi pawarta yaiku kedadeyan sing cedhak karo kahanan masarakat.

· Unik, prastawa kang digiyarake gawe gumun masarakat sing mirsani.

E. Ciri-ciri pawarta

Ø Minggunaake basa kang gampangdimangerti

Ø Kudu ngemat 6 perangan (5W+1H)

Ø Ora majokake salah sijine pawongan utawa golongan

Ø Anyar / actual

F. Perangane pawarta

1. Irah-irahan Pawarta utawa Judul Berita

2. Pambuka

3. Surasa utawi isi

4. Panutup

G. Kaidah pawarta (5W+1H)

1. What : apa kedadeyane

2. When : wektu kedadeyane

3. Where : panggon kedadeyan

4. Why : genea bias kedadeyan

5. Who : sapa sing ana ing sajroning kedadeyan

6. How : kepriye kedadeyane

H. Conto teks pawarta

JEKSA NJALUK MUNDHAK GAJI

Jakarta, PS. Jaksa Agung Hendarman Supandji nalika rapat dengar pendapat karo Komisi III DPR, Senen (9/11) mratelakake, kanggo nyegah praktek dol tinuku perkara antarane jeksa karo pihak sing kesangkut kasus hukum, anggarane kejaksaan kudu diundhakake. Awit kanggo nindakake reformasi ing lembaga kejaksaan, Hendarman mbutuhake anggaran Rp 10 triliun. Manut Hendarman, taun iki anggaran kejaksaan kepetung sethithik, yaiku Rp 1,9 triliun. Winatese anggaran mau ngambet marang winatese karaharjaning jeksa. Temahane saperangan jeksa padha nindakake praktek kang asor kanthi dol tinuku perkara.

Ketua Komisi III DPR Benny K. Harman ngandharake, DPR wis nyarujuki usule pamarentah yen taun ngarep anggaran kejaksaan mundhak dadi Rp 2,5 triliun. Benny ora nampik yen kanggo njejegage hokum dibutuhake undhak-undhakan anggaran. Mung wae undhak-undhakan mau kudu dicundhukake klawan kahanan dhuwite Negara. Sok mengkonoa, kandhane Benny, gaji cumpen ora kena kanggo alas an tumrap jeksa kanggo nindakake dol tinuku perkara. Benny ngajap mundhake anggaran mau diimbangi karo undhak-undhakane kinerja kejaksaan. (Rep)

Daftar Pustaka

http://rudikurniawan763.blogspot.com/2013/12/pawarta.html

http://tresnajawi.blogspot.com/2014/01/materi-bahasa-jawa-kelas-xii-semester-1.html

buku lks basa jawa kelas XI semester 2

Read Users' Comments (0)

BAB BASA JAWA "SESORAH"

03.30 | Posted by Unknown

SESORAH

A. Pengerten
Sesorah utawa pidhato utawa tanggap wacana ya iku njlentrehaké idhe utawa pokok pikiran kanthi wujud tembung- tembung kang diucapaké marang wong akéh. Tujuan lan isi tanggap wacana utawa pidhato iku werna- werna, ana kang tujuane kanggo menéhi hiburan, menéhi informasi, utawa ajak- ajak marang kang rungokaké supaya nindaki apa kang dikarepaké pemicara.

B. Jinising Sesorah

Ø Miturut ancase : menehi informasi, menehi panglipur, lan kanggo pangajak-ajak.

Ø Miturut kahanane : resmi, setengah resmi, lan ora resmi.

Ø Miturut isine : intelektual lan moral.

C. Cengkorongan

1. Salam pambuka

2. Purwaka

3. Surasa (isi)

4. Wigati / dudutan / ringkesan

5. Pangarep-arep

6. Wusana

D. Bab-bab ingkang digatekake nalika sesorah

1. Nyiapake underan / tema sesorah

2. Nyiutake tema dadi irah-irahan (judul)

3. Naliti kahanan pamiarsa

4. Ndamel cengkorongan

5. Nemtokake ancase sesorah

6. Ngempalake bahan sesorah

7. Ngembangake cengkorongan

8. Gladhen sesorah

E. Metode sesorah

ü Apalan
Yaiku metode sesorah kang dilakoke nganggo cara ngapalake teks pidhato.

ü Naskah utawa teks
Yaiku teknik sesorah kang dilakokaken nganggo cara maca teks.

ü Eksternporant
Yaiku anggone maca sesorah kanthi nganggo cathetan cilik kang isine inti saka sesorah kanga rep diaturaken marang para pamirsa.

ü Impromptu
Yaiku teknik dadakan utawi during ngrancang cengkorongan sesorah sing arep diaturaken.

F. Conto teks sesorah

Sesorah Dinten Kemerdekaan Indonesia

Assalamualaikum wr. wb.

Bapak kepala sekolah ingkang kinurmatan bapak, ibu dwijo ingkang satuhu luhuring budi. Para kanca siswa siswi ingkang kula tresnani.

Sumangga langkung rumiying sami ngaturakensyukur dhumateng gusti maha kuasa ingkang kepareg paring rahmat lan hidayahipun. Kita sedaya tasih saged kumpul manunggal kanthi tentrem, waras,kebak, ing kebagyan salebetipun pahargya pangetan.

17 agustus tahun 1945 indonesia merdeka. Bapak, ibuk, mbah, canggah kita merjuangken kemerdekaan tansah mati-matian. Nyawa dados taruhan wani mati kangge Indonesia.

Usaha kangge ngalahipun para penjajah, ingkang ,beto senjata-senjata modern,. Namun Indonesia mung mbeta bamboo runcing, lan aret, serta di iringi dungo marang Gusti Allah SWT.

Namun sakniki anak-anak tansah angel melu upacara peringatan kemerdekaan Indonesia. Alasanipun nggih panas,suwi, kesel lan thetek mbengek. Nopo podo mboten ngilingi jaman semunu, panas, udan, di terak cuman kangge ngrebut merdeka sangkeng tangan penjajah. Kita selagi masyarakat khususipun bocah-bocah lan cah nom-nom kudu ngargani usaha para pahlawan sing ngelawan penjajah punika. Caranipun nderek upacara kemerdekaan Indonesia tansah kesadaran awake dewe – dewe.

Sumanten saha atur kula. Bilih wonten salah, kula nyuwung pangapunten.

Wassalamualaikum wr. wb.

Daftar Pustaka

1. http://irwantoadi926.blogspot.com/2016/01/materi-sesorah-bahasa-jawa.html

2. https://jv.wikipedia.org/wiki/Sesorah

3. http://gunawanfly.blogspot.com/2014/11/1024x768-normal-0-false-false-false-en.html

4. http://notehari.blogspot.com/2013/10/sesorah-cekak-dina-kemerdekaan-ri.html

Read Users' Comments (0)